A mund ta shesin njerëzit shpirtin?

Të rinjtë janë shumë të dhënë pas filmave, sidomos atyre që i përkasin zhanerit fantashkencë/fantazi. Pse mos t’i përdorim disa nga këta filma për të ndar ungjillin me të rinjtë që i pëlqejn kaq shumë këto histori?

Një ndër klasikët e filmave në vitet e fundit është seria e “Piratëve të Karaibeve”. Në serinë nr.5 “Dead Men Tell No Tales” zhvillohen disa ngjarje shumë interesante. Shumë kohë më përpara, kapiteni i famshëm Jack Sparrow kishte bërë një marrveshje me legjendën Davy Jones, duke i shitur shpirtin atij. Tani kishte ardhur koha për kapitenin të paguante borxhin e tij dhe për më tepër një ndëshkim shumë i rëndë e priste atë në jetën e përtejme. Këtu fillon edhe aventura e kapitenit të famshëm, i cili bën çdo gjë që mundej për të shpëtuar nga mallkimi që e priste.

Disa pyetje për diskutim:

• Kapiteni Jack Sparrow është shembull tipik se si mund ta prishësh jetën tënde duke bërë zgjedhje të gabuara. Cili mendoni se ishte gabimi i tij më i madh? (I shiti shpirtin Davi Jones)
• A mendoni se njerëzit mund “ta shesin shpirtin” me të vërtet në këtë jetë dhe të kenë pasoja të rënda pas vdekjes?
• Ndaj çfarë gjërave e “shesin shpirtin” njerëzit ditët e sotme? (Paraja, pushteti, fama, seksi, pornografia, varësitë, kenaqësit, popullariteti,etj.)
• Çfarë mendon se ndodh mbas vdekjes?
• A beson ti se ekziston parajsa dhe ferri? Nëse ti beson, çfarë mendon se e përcakton ku do të shkojmë ne?

Ashtu si Jack Sparrow, të gjithë ne kemi bërë zgjedhje të gabuara dhe kemi nevojë që të shpëtohemi nga pasojat. Por ndryshe nga kapiteni i famshëm që duhet ta zgjidhte vet rrëmujën që kishte bërë, ne kemi një Zot i cili është shumë i preokupuar për të na shpëtuar ne nga pasojat e përjetshme të mëkatit dhe zgjedhjeve të gabuara që kemi bërë në jetë. Ashtu si te Piratët e Karaibeve, ndikimi i zgjedhjeve tona ndikon përjetësinë tonë. Prandaj, ja ku është mundësia ta përdorim këtë analogji me të rinjtë për t’i drejtuar ata te Krishti dhe për t’u dhënë mundësinë të bëjnë zgjedhjen e duhur dhe t’i shpëtojnë pasojave të përjetshme të mëkatit.

Përshtatur nga Dare2Share!