Ai nuk ka pasur kurrë një zyrë publike,nuk ka shkruar kurrë një libër,nuk ka drejtuar kurrë një ushtri dhe nuk ka themeluar kurrë një institucion. Ai jepte mësim ne varkë apo në fusha dhe ndjekësit e tij ishin peshkatarë të thjeshtë. Ai u mohua dhe u keqkuptua nga shumica dhe shërbesa e tij zgjati vetëm tre vite e gjysmë. Por ndikimi i tij ndryshoi botën. Në fund të shërbesës së tij ai tha: „Ashtu si Ati më dergoi mua , po ju dërgoj unë ju” (Gjoni 20:21) Jeta e tij shërben si shembull ,jo vetem për fjalët që mësoi, por dhe në mënyrën se si eci shërbesa e tij. Kjo është arsyeja pse apostulli Gjon shkroi : „Ai që thotë se qëndron në të, duhet të ecë dhe vetë sikurse ka ecur ai”
(1 Gjonit 2:6). Sfida e Gjonit ka shumë kuptim për jetën dhe shërbesën tënde. Çfarë do të ndryshoje nëse do mësoje të ecje ashtu si eci Jezusi? Meqenëse ti jeton në kohë dhe vend tjetër nga ai, kjo do të kërkojë mendime dhe përpjekje të fokusuara nga ana juaj. Ti duhet të mësosh që të shohësh qartë tre gjëra.